البوماتي لموسيقي الميتال المفضلة لعام 2014

الصراحة كنت متردد اكتب الموضوع لحالة التبلد والكسل المسيطرة عليا لفترة طويلة .. وقررت اكتبه كنوع من التأرييخ لا اكثر ويمكن حد يستفيد منه

اللي كمان مكنش مشجعني ان 2014 كانت سنة غزيرة انتاجياً وفيها العديد من الالبومات الجيدة او الجيدة جداً لكن للاسف مكنش في علامات او اساطير ويمكن تفسيري للموضوع نابع عن اقتناع ان الفرق بتلعب اللعبة بامان بدون مخاطرات او تجريب حاجة جديدة ، فتلاقي اما لو فريق عريق بيحاول يرجع للجذور او بيحاول يحافظ علي التيمة الناجحة ليه الا فيما ندر

اخيراً الالبومات مش مرتبة من الاقل للافضل الا في اخر 4 البومات واللي هما البومات العام بالنسبة لي

=============================

Vader

Tibi et Igni

 اباء بولندا بيرجعونا لسنة 1998 او ما شبه .. ورجعوا اللوجو القديم وكل ما هو جميل  علشان يخرجوا التحفة دي، للاسف دائما بحس انهم مش واخدين حقهم اللازم والكريدت اللي يستاهلوه

كالعادة حسبكم مع تحفة فنية من الالبوم الرائع ده

 

============================

Opeth

Pale Communion

طبعا الكل عارف اني فان بوي كبير لاويث … الانتقال من بروج ديث باند ل بروج روك كان متوقع لاسباب كتير كلنا عارفانها لكن الالبوم اللي شهد التغيير ده
Heritage
كان في غاية السوء الا عن بعض اللمحات .. السنة دي اوبث قدموا البوم بروج روك جميل ومن احلي البومات السنة لكن طبعا لا دول اوبث ولا دي لمستهم الخارقة ولا دول الناس اللي كانوا بينزلوا علامات موسيقية مش البومات

واحد من افضل تراكات العام

==========================

Epica

The Quantum Enigma

بعد البوم شهد تغيير للاسوء ومحاولة تسويق الفريق خارج اوساط مجتمع الميتال وانتقادات كتير .. يرجع الفريق لرشده وللخلطة السحرية والبوم جيد جداً ولكن يظل اقل من مجمل اعماله بخطوات قليلة
انا عموما محب كبير لابيكا ونفسي يكملوا في طريقهم بعيد عن المقارانات مع الجوث ميتال الهولندي اللي بيروح بشكل او باخر لسكة البوب روك

===============================

Meadows End

The Sufferwell

ايه اللي ممكن اقوله … اكتشاف العام بدون منازع بدون رغي كتير من احلي البومات العام بخلاف انه عوضني شخصياً عن اختفاء اقرانهم
Zonaria
لانهم قريبين منهم قوي

متحمس جداً جداً للفريق ده واتمني يكون ليه شأن كبير في مقبل الالبومات

========================

Savage Messiah

The Fateful Dark

اخيرا عود احمد لفريقي المفضل خلال السنين الاخيرة في نوع الـ
Thrash metal

اخر اعمال الفريق مكنش علي قد المستوي .. الموضوع كان اشبه بالانحدار لان اول البوم للفريق
Insurrection Rising
كان من احلي الالبومات اللي سمعتها في حياتي كلها

عموما الالبوم ده يعتبر في المرتبة التانية مباشرة بعده تحفتهم السابق ذكرها

============================

Arch Enemy

War Eternal

في يوم غريب .. صحينا كلنا الصبح لنجد ان انجيلا ايكونة الفريق والفوكال قد قررت مغادرة مكانها لصالح الشابة اليافعة اليسا وايت جلوز مغنية فريق
the agonist
وقررت انجيلا انها تكمل مع الفريق في منصب المدير الاداري وانا كنت متوقع كده لان كنت قريت كتير ان انجيلا مبقتش تقدر تكمل الحفلات للاخر وانها عندها مشاكل في صوتها بعامل السن بخلاف ان البوم الفريق الاخير مكنش علي قد المستوي
وتقريبا ده كان قرار صائب جدا لان في نفس يوم اعلان الخبر الهائل ده، الفريق نزل كليب من الالبوم الجديد وكانت اغنية
War eternal
وكان النتيجة مبشرة للغاية وتحس ان الفريق اتضخله دم جديد وحماس اكتر وشوفنا كلنا ترجمة ده في الالبوم الاخير واللي يعتبر من احلي البومات الميلوديك ديث ميتال السنة دي
حالياً انا مستني اكتر من الفريق خصوصا بعد انضمام جيف لوميز للفريق واللي ميعرفوش هو جيتاريست فريق نيفرمور وكان مرشح في فترة طويلة للانضمام لميجاديث

===================================

Souldrainer

  Architect

يا الهي … بعد شوية ديموهات روعة والبوم خارق للعادة في 2007 … للاسف تعرض المشروع الجميل ده للعديد من الضربات برحيل العديد من اعضاء الفريق وخصوصا رحيل الفوكال جوهان كوليتكو

وللاسف شوفنا نتيجة الضربات دي في البوم مخيب للامال سنة 2011 مش فاكر منه اي شيئ
لكن الفريق وبعد ما غير شوية من استايله وراح في سكة الميلوديك ديث بتاعت العظماء
Hypocrisy
شوفنا البوم رهيب … ومن اروع ما يكون

عود احمد .. ومع واحدة من اجمل اغاني الالبوم

====================================

At The Gates

At War With Reality

خبر عودة الفريق للحياة من جديد اصاب العديد من محبيه بالقلق … انت بتتكلم عن فريق بشكل كبير ساهم في تأسيس نوع فرعي كبير في الميتال وهو الميلوديك ديث ميتال يعني حاجة اسطورية

وقريت اراء كتير ان دول راجعين علشان الفلوس ودول حيبوظوا تاريخم وكلام تنظيري حمضان
وينزل الالبوم .. وينزل كف علي قفا كل مدعي من المنظرين وينزل واحد من اجمل البومات العام

اجمل رسالة لكل اصحاب مقولة الفرق العظيمة اللي انفصلت لا يفضل عودتها

من احلي تراكات الالبوم

==================================

Mors Principium Est

Dawn Of The 5th Era

فريقي المفضل في نوع الميلوديك ديث ميتال … للاسف مشكلتهم الكبيرة دائما انهم قليلوا الانتاج بنتكلم عن فريق في 15 سنة نزل 5 البومات ومنهم فترات كان في شك في انفصالهم لشح الاخبار عنهم، لكن الاخبار دي زالت بنزول البوم
…and Death Said Live
في 2012
واللي مكنش علي اد التوقعات … لكن الفريق رجع لمعدنه الاصلي وقام باصدار افضل البوم ميلوديك ديث ميتال لعام 2014 من وجهة نظري

مع جوهرة من جواهر الالبوم المتعددة

=================================

Dark Fortress

Venereal Dawn

الفريق فعلاً غريب … دايما كنت بقول عليهم المجددين في البلاك ميتال، فريق بيحاول في كل البوم يقدم افكار وسكك جديدة في نوع التجديد فيه من المحرمات

المشكل الاكبر ان الالبوم ده مقدرش اقول عليه انه البوم بلاك ميتال بسبب الحجم المهول في التغيير .. البوم بلاك ميتال في حاجات هادية وواحدة بتغني عربي وميلوهات ياما
!!!!!!!!!!!!

لكن طبعا الالبوم خارق للعادة لمحبي الموسيقي ومش عبدة الـ
Genres

واحد من احلي تراكات العام للفريق العبقري ده

=================================

Empyrium

The Turn Of The Tides

من العته وضرب من الجنون اني اقول يعني ايه عودة ايمبريوم تاني … ومن السذاجة اني اشرح ليه الالبوم ده من احلي البومات السنة

واحدة من احلي الاغاني اللي سمعتها بشكل عام

====================================

وهنا نيجي بقي لاحسن اربع البومات للعام 2014 واللي كانت المصادفة ان يبقي كلهم تحت نوع

Progressive Metal 

بس قبل ما ادخل عليه عايز بس اقول كام حاجة كـ
honorable mention

عودة بينك فلويد في 2014 باخر البوم ليهم هو حدث تاريخي بكل ما تحمله الكلمة من معني .. وشخص مثلي اقل اني اقيم الالبوم او احطه في اي خانة ما
———
لينكن بارك رجعوا للميتال بس فقدوا اللمسة بتاعتهم
———
هاكن نزلوا 3 اغاني يبدوا من خلالهم اننا حنكون مع البوم قوي في 2015
———
واخيرا سافاتاج رجعوا للحياة ولو عايز تعرف واقع الخبر عليا شوفي اسمي واسم المدونة

يلا بينا

=================================

المركز الرابع
Threshold

For The Journey

للاسف للاسف للاسف انا متضايق جداً ان حاطط الالبوم ده تحت كلمة المركز الرابع … لان دي اول تجربة البوم كامل للفريق ده معايا وهي تجربة عظيمة للغاية
معرفش اصلا ليه كنت مقتصر في سماعي للفريق علي تراكات هنا او هناك وكانت بتعجبني جداً بس هو كسل بعيد عنكم

جنة البروج ميتال كاملة حتلاقيها في الفريق ده سواء انتاج عالي او تنوع او فوكال مميز او اعضاء محترفين في الفريق

ياريت اللي حيسمع الالبوم يبص علي تراك
The box
لانه من احلي تراكات العام لكنه للاسف ملقتوش

===============================

المركز الثالث
Vanden Plas

Chronicles of the Immortals – Netherworld (Path 1)

امسح التراب وفتح عينك عن فريق عظيم هربت منه كتير لكن بمجرد اني سمعت البوم كامل ليه .. دخل عالطول في لسته احلي البومات السنة

كونسبت رهيب وتنوع كبير بين اغاني الالبوم ومنتظر بشدة
Path 2

مع واحدة من اجمل اغاني الالبوم

=========================
 
المركز الثاني
Evergrey

Hymns For The Broken

هل تعلم ايها القارئ العزيز اني من اكبر كارهي الفريق ده … اعماله العظيمة بالنسبالي عادية .. اخر البومات ليهم من اسوء ما سمعت في الميتال بشكل عام

والكوميديا تبلغ ذروتها اني نزلت الالبوم ده بالغلط وكنت حمسحه من غير ما اسمعه لما عرفت الغلطة لكن قلت اديله فرصة سماع لمرة واحدة بس وبعد كده امسحه
يعني كنت مقرر اني حمسحه سلفاً وعارف انه مش حيعجبني

وادي السبب المباشر لاني ممسحتش الالبوم انه تاني افضل البوم سمعته في 2014 علي الاطلاق

ودي لمحة من الالبوم

=============================

المركز الاول والبوم العام
Anubis Gate

Horizons

الالبوم ده نزل في شهر ابريل .. يعني السنة كان فاضل فيها 8 شهور كاملة .. ومن اول مرة سمعت الالبوم ده كنت عارف ان احسن البوم في السنة كلها وعارف ان مفيش البوم حيعجبني اكتر منه

يمكن ده الالبوم الوحيد اللي ممكن اقول ياخد لقب البوم علامة حنفتكرها كتير بخلاف كل ما سبق

بخلاف ان الالبوم متنوع وكله اغانيه تقريبا في غاية الروعة الا انه كمان يحمل في طياته افضل تراك عجبني في سنة 2014 بدون منازع

اسيبكم مع تراكي المفضل ونتلقي ان شاء الله العام القادم

هو الميتال كان ايه اخباره في سنة 2013 !!!

بقالي كتير جداً مكتبتش حاجة جديدة في البلوج ده، والسياسة قتلت في الواحد الكتير من اهتمامته بامور الحياة العادية
علشان كده قررت احدث البلوج عن حاجة بحبها .. موسيقي الميتال
\m/

طبعا انتوا عارفين اني رجل مهم ومش فاضي وكده، بس ده لا يمنع اني ادلو بدلوي فيما يخص افضل الالبومات اللي مرت عليا خلال السنة اللي فاتت

عموما الالبومات حتبقي من الاقل للاقوي، انا مسمعتش كل اللي نزل في 2013 بس علي الاقل اقدر اقول سمعت احسن او اشهر اصدارات العام

بسم الله وحلال الله اكبر

————————————–

Children Of Bodom – Halo Of Blood

اخيرا .. دي الكلمة الوحيدة اللي جت في بالي بعد ما خلص، بعد سلسلة من الالبومات بنت الـ %$% اولاد بحيرة بودم افتكروا انهم كانوا باند عظيم وقدموا عودة من الباب الكبير

خدلك فكرة مع واحد من احسن تراكات الالبوم

————————————————

Alice In Chains – The Devil Put Dinosaurs Here

لك ان تتخيل اني اكون مقتنع ان الالبوم ده اقل من الالبوم العظيم السابق للفريق، لكن ورغم كده يدخل الالبوم ده كأحد افضل اصدارات العام، متهيألي ان عودة اليس للميتال سين احسن الحاجات اللي حصلت للميتال بشكل عام 

خدلك بصة

————————————-

Amorphis – Circle

برضه عودة قوية للفريق بعد البوم سابق مديوكريت، عموما امورفيس ليهم وصفة سحرية تداوي محبي البروج والاكستريم والكلاسيك ميتال مع بعض

خدلك بصة

———————————————–

Artillery – Legions

افضل اصدار ثراش ميتال بدون منازع في العام .. خصوصا لو بتحب اللعب الفرعوني وهز الدماغ المتوالي .. اوعي يفوتك

خدلك بصة

————————————–

Shade Empire – Omega Arcane

الباند ده كنت بسمعه زمان فشخ ونزلته البوم بعد كده كان سيئ للغاية، ومكنتش مهتم باعماله لاحقاً
اصدقائي المقربين عملوا عليه ضجة وقلت قشطة ابقي انزله يمكن يكون في الامور امور اند هولي فاكن شيت ..

عظمة على عظمة علي عظمة .. ملحة بلاك اند ديث ميتال من الطراز الرفيع

خدلك بصة علي واحد من احسن تراكات السنة دي بشكل عام

————————————————————–

Anciients –  Heart Of Oak

افضل اكتشاف في العام، رغم اني مبحبش السلدج بشكل كبير .. بس طالما حتحط عليه الاوبسيش ساوند ويطلع البوم بالعظمة دي يبقي ليه لا اكيد.

بل المحصلة واحد من احسن البومات العام بالنسبالي

خدلك بصة علي التراك العملاق ده – اسم علي مسمى-

——————————————

In Vain – Ænigma

حكون حقاني مع نفسي باختصار شديد

كل البوم الفريق ده مدخلتش دماغي بشلن مصدي .. الالبوم ده من احلي البومات الاكستريم بروجريسف اللي اتعملت في التاريخ

ريكومنديد بالتلاتة

خدلك بصة

———————————————-

Orphaned Land – All Is One

واثق الخطى يمشي ملكاً، كل المقربين ليا عارفي مدي عشقي للفريق ده علي الرغم من انه من بلاد الاعداء، وبرضه يعرفوا عني مدي كراهيتي الشديدة لستيفن ويلسون المنتج لاعمال الفريق مؤخراً وتدخلاته السافرة اللي بتنتهي بنهاية مأساوية زي اوبث

عموما ستيفن زفت مرحمناش وجه الالبوم ده اللي مختلف علي كل الاعمال الفنية السابقة للفريق ولكن هيهات، الالبوم خرج قوي وواحد من اكتر الالبومات اللي سمعتها السنة دي وارضتني بشكل كبير وثبت اقدام الفريق في مصاف اقوي فرق الميتال في العالم

خدلك بصة وعيط مع التراك ده

——————————————

Omnium Gatherum – Beyond

هو البوم العام بالنسبالي في الظروف العادية، لكن لظروف استثنائية يحل في المرتبة التانية

خطوة كانت مؤجلة كتير اني ادي فرصة للفريق ده لانه كنت سمعتله تراكات زمان كان الكوالتي بتاعهم وجودته الفنية مش علي المستوي، لكن بناء علي نصحية صديقي كريس المغوار

رحت نزلت الالبوم وياللهول يا ابو الهول
مش حقول شعر في الالبوم انا قلت سلفاً انه البوم العام بالنسبالي في الظروف العادية واحسن البوم ميلوديث ميتال في السنين الاخيرة

ابكي يا سناء مع التراك ده مثلاً

———————————————

Enshine – Origin

البوم العام بدون ادني نقاش لظروف استثانية وغير استثناية كمان

معظم اللي يعرفني عارف اني شخص نحس في المزيكة بشكل عام .. وكل الباندات اللي بعتبر نفسي فان ليها غالباً فكست او مأنتخة مبتعمل جديد بقالها سنين

savatage- morgul – devil doll- enslavement of beauty – uaral

slumber
واحد من الباندات دي اللي عملت اعظم البوم ديث دووم ميتال بالنسبالي (روح اسمعه فوراً ولاتناقشني فانا لا احب النقاش) الالبوم ده كان سنة 2004 ومن ساعتها انا عايش علي بصيص اخبار ان في البوم جديد لحد ما تحطمت الاحلام دي بانفصال الباند السنة اللي فاتت

لكن العقل المفكر للفريق جيري لاندهولم قرر يأسس الفريق الجديد ده بنفس كونسب سلامبر، والنتيجة البوم جديد لسلامبر بس بأسم مختلف والبوم لا يقل عن فول اوت باي حال من الاحوال

ابكي يا منال مع التراك ده

وصلت للنهاية، كل سنة وانتم طيبين

ما يحدث للوطن .. وجهة نظر صاحبها

اكتب تلك الشهادة وانا علي مقربة يوم واحد من المشاركة في مليون الانقاذ الوطني غدا الثلاثاء 22 نوفمبر … اكتبها وانا لا ادري ماهي العواقب في ظل صدمة المجتمع المصري

ومختلف اطياف المجتمع  … هذا المجتمع الذي لم يفهم بعد حقيقة ان مصر في ثورة .. وما يتم حاليا هي مجرد جولتها الثانية بلا شك

لا يدرك هؤلاء ولا حاكمهم تلك الحقيقة البسيطة …

هؤلاء الشباب ارداوا بوضوح انهاء هذا النظام الفاسد … الذي لم يورث لمصر الا الفقر والجهل وقلة الوعي وعدم استقلالية قرارات الدولة

لم تصل تلك الحقيقة المطلقة للجميع … هناك من تغير علي الصعيد الشخصي لايام .. ثم عاد ليعيش بنفس الطريقة التي عاش بها في ظل نظام مبارك .. لانه ادرك ان النظام لم يتغير

ساند المجلس العسكري الثورة وحل البرلمان وحل الحزب الوطني وعظم الشهداء .. ثم تغير واصبح ضد الثورة بعد ان خدع بمفاوضات من نخب زائفة وتيارات سياسية طامعة  ليس لديها اي مبادئ او قيم لتدافع عنهم طوال الخط

ادخل في نقاش طوال الفترة الحالية مع العديد من اطياف المجتمع .. والعديد من الاشخاص من ذوي الخلفيات ( السياسية، الدينية، الاجتماعية ) المختلفة

الجميع سواء ان كان من صفوف ومؤيدي الثوار .. او حيادي .. او صفوف ومؤيدي النظام السابق

.

.

.

.

.

•  فشل المجلس العسكري بشكل كبير في ادارة الفترة الانتقالية وجزء كبير يتفق بفساد معظم اعضاء المجلس وعلي رأسه المشير وانهم بلا شك من ارباب النظام السابق
• شكوك الجميع في نية حقيقية لدي المجلس العسكري لانهاء حكمه الذي استمر لاكثر من 60 عام
• عدم وجود تغيير حقيقي في اسلوب ادارة الدولة ..او حتي تغير ظاهري .. وانعادم الكفاءة لدي العديد من وزارء الحكومة الحالية في ادارة شئون البلاد
• غموض تام في مراحل المرحلة الانتقالية والتي يسأل عليها المجلس العسكري وحده
• تراجع الحالة الاقتصادية للجميع وتأثرهم بشكل شخصي بعد حدوث الثورة المصرية الاولي
• ضرورة تنفيذ مطالب الثورة المصرية الاولي … عيش حرية كرامة انسانية … بغض النظر عن اي انتماء والتي لم تتم منها اي شيئ من عدم مراعاة الابعاد الاجتماعية في الموزانة المصرية او عدم تحديد حد اقصي وادني للاجور وعدم تطهير وتغير سياسة الداخلية واعداد محاكمات عسكرية للرموز الثورية والمدنين وتقييد الحريات
• فشل الحكومة المصرية في ادارة جميع الازمات العديدة التي مرت بها البلاد بعد الثورة الاولي (ماسبيرو، امبابة ، فض اعتصام التحرير ، … الخ) بشكل كامل
• رغبة العديد بالهجرة خارج البلاد .. بعد فقدانه كامل الثقة في تحسن البلاد
• عدم تطهير البلاد من رموز الفساد في مختلف المجالات وتدعيمهم وتقويتهم بشكل كامل من قبل المجلس العسكري
• اتفاق الجميع بان الانتخابات البرلمانية (واللتي لا اوافق علي مقاطعها ووجوب المشاركة بيها ) لن يعكس بشكل حقيقي نبض الشارع المصري ولن يأتي بالكفاءات اللازمة لغرض تأسيس اللجنة التأسيسية لكتابة الدستور

.

.

.

.

مما سبق قد نتفق او نختلف عن المحتوي … ولكن هذا ما رصدته طوال الفترة الماضية

والان حدث ما حدث وانتفض ميدان التحرير كمان انتفض يوم 25 يناير

ويدرك اغلب متظاهري التحرير تلك الحقائق السابقة .. ويقرون باخطائهم ووثوقهم في اشخاص ليست اهلا للثقة .. واخذوا العهد لمواصلة الثورة .. حتي تتحقق كل مطالبها التي لم يحقق منها الا طلب واحد فقط برحيل دكتاتور الدولة السابق

وسقط حتي الان ولا يزال يسقط العديد من الاشخاص ( نحتسبهم عند ربهم شهداء ) في سبيل تلك المطالب

وادرك لماذ تعامل السلطات هذا المظاهرات بوحشية بالغة … لانهم ادركوا الحقيقية المطلقة … لانهم ادركوا ان هؤلاء الثوار يريدونها دولة ديموقراطية حقيقة .. تحاسب المخطئ … وتناقش القرارات .. وتعبر عن اراء مواطنيها

لكني لا افهم رغبة الكثيرين .. بطلب سحق المتظاهرين من قبل المجلس العسكري لانهم (مجرد) مختلفين معهم سياسيا

استحلفكم بالله .. وباغلي ما تمتلكوا … لا تكونوا ضد الشباب الابرار الذي يضحي وسيضحي بالغالي والرخيص لاجل رفعة هذا الوطن

هؤلاء هم اخير رجال هذه البلد .. لا يريدون سلطة او جاه … مجرد ان تكون البلد علي الطريق الصحيح

ليس الا

ليس الا

يعيش الوطن .. العزة للثوار … المجد للشهداء

طعنة في الخلف !!!

انا شاب زي اي شاب نزل ميدان التحرير

مؤمن بالثورة .. وبعد التنحي مؤمن ان مصر حتتصلح في كل الاتجاهات

زي اي شاب … قال يلا بقي اخيرا حدور علي حزب انضم له .. وحاول من خلاله اني اشتغل في الحقل السياسي طبقا لافكاري واحاول افيد المجتمع … و ايوة بقي

المهم بعد قرار انشاء الاحزاب بالاخطار  وقرار حظر الحزب الوطني الفاسد… ولقينا حنفية احزاب خرجت من رحم الثورة وغير رحم الثورة..

قررت اني انضم للحزب المصري الديموقراطي الاجتماعي … طبقا لمفاهيمي ومعتقداتي… واحاول افيد المجتمع بعد مخلاص ما رجعتلنا الفرص والحزب الوثني غار … وطبعا علشان اساعد في زيادة وعي الناس لاختيار اعلم الناس لتمثيلنا في البرلمان القادم .. بغض النظر عن انهم من اعضاء الحزب اللي بنضم ليه او غيره 

المهم بدون لت وعجن كتير … جت الانتخابات ياولاد الحلال والحزب المصري الديموقراطي الاجتماعي قرر ينزل الانتخابات البرلمانية من خلال تحالف الكتلة المصرية اللي بتضم بين طيتها احزاب خرجت من رحم الثورة وحركات وطنية وجمعيات اهلية ينالوا اغلبهم احترامي البالغ

المهم منذ الاعلان عن الكتلة المصرية …  وانا موريش حاجة غير اني بقنع الناس كلها بالكتلة المصرية وبتقولوا مين يا ولاد الكتلة المصرية وحبيبكم مين يا ولاد الكتلة المصرية

المهم بعد اعلان قوائم الكتلة المصرية لقوائمها الانتخابية وتلقيت القائمة بتاعت دايرتي قسم جيزة اول بالافراح والليالي الملاح … لقيت علي راس القائمة الاستاذ الفاضل سالم شنب 

مين سالم ابو شنب ده ؟؟؟ ايه الاسم العرة ده ؟؟؟ انت حتتريق ولا ايه .. اظبط كده يا واد وشوف وسريش علي الراجل شوف بيرغي في ايه … الله ده مواليد 1939 .. ايه يا جدو اجي ادهن وبتاع  !!! بس بس عيب عليك الراجل محترم اكيد وليه فكر واكيد خبرة والدهن في العتاقي ويـــــ

يااااااااااااااااااا ولاد الوســـــــــــــــــــــخـــــــــــــــــــــــــــــة

العمدة/  سالم محمد عبد المجيد شنب

نائب عن محافظة الجيزة الدائرة الحادية عشرة عضو مجلس الشعب فئة فلاح رقم 290 عضو الحزب الوطني

===================

طبعا بعد فاصل من الردح وقلة الادب الخلاقة علي صفحات الكتلة المصرية وخصوصا ان لقيت الموضوع متكرر بشدة في عدة قوائم اخري .. ودائما ما كنت اقابل ردة فعل عظيم بمسح بوستات في كل صفحات الكتلة المصرية للتستر علي الجريمة من وجهة نظري الشنعاء اللي مرتكبنها

قلت يا واد طنث خالث .. وروح استفهم من السادة المحترمين الواقفين علي الحزب الاجتماعي الديموقراطي اللي بنضم ليه

ودي كانت الاجابة

نتعاتب … هو الناس ماتت خلال الثورة واتفشخت وطلع عينا علشان ارجع احط ايدي في ايد اعضاء الوطني

هو احنا عملنا ثورة ولاحاجة

هو انتوا بجد احزاب ثورة

عموما من غير ما اقعد أولول علي حاجة خسرانة … مبروك لكل احزاب الكارتون كسبتوا عدو جديد .. وبقدر كرهي للحزب الوطني طوال ما حيت .. كسبتوا كرهي يا مدعي الثورة ومتاجري دماء الشهداء

المجد للثورة والثورة مستمرة .. والجدع جدع والجبان جبان

والعواف

معركة الهبالة .. والحقيقة الواحدة

معركة حامة الوطيس كان دايرة علي مدار شهور ما بين شركتي

EA Games و Activation

وصلت لمراحل عنيفة من وصف منتجاتهم بالزبالة والنتانة .. والجميزر في كل انحاء الدنيا تحولوا الي فريقن من الهبل يشجع ويعظم ويبالغ في تأييد احد الجانبين علي الاخر

شركة اي ايه شايف ان كود منتج عبارة عن سلق بيض ومبيعات بالملايين وان الكتير من اللاعبيين مبيهتموش بالتفاصيل ومفيش اي تقدير للجهد الخارق اللي بيبذله استديو دايس في لعبتهم

الخناقة كبرت والناس بقوا ممكن توصل ساعتك مابين الفان بويز لسب الدين والاباء والاجداد

في الاخر اللعبيتن اتنيلوا نزلوا الشهر ده والاتنين خدوا معدل تقيمات متقارب … والاتنين باعوا والاشية معدن

وطبعا كل الخناقات مابين الشباب وراهناتهم ان اللعبتين ممكن واحدة فيهم تاخد لعبة العام .. راحت في ادراج الجحيم لان اللعبتين اساسا شأنهم شأن الافلام الهوليوودية الكبري اللي بتهدف للايرادات لا المضمون

حوار اهبل مش كده وحاسس انك ضيعت من عمرك 5 دقايق وانت بتقرا البوست ده

================================

الحقيقة الواحدة المفزعة

طبقا لعدة مصادر … لعبة باتيلفيلد بتاع للحظة كتابة البوست 5 مليون نسخة .. ولعبة كود محللين قالوا انهم باعت 6 مليون نسخة في يوم طرحها

يعني بالمختصر المفيد الكلام اللي حضرتك شايفه اهبل عامل صافي ايرادات للشركتين من طرح المنتجين وبعد مرور اسبوعين حوالي 2.5 مليار دولار

يعني بالعربي او بالمصري 15 مليار جنيه ساعتك ..

ايوة الهبل ده بجيب فلوس .. واحنا شايفيين انه كلام اهبل ولعب عيال

احنا بنحاول بقالنا شهور علشان نجمع مليار جنيه مش دولار علشان مشروع الالف قرية والقضاء علي العشويات او ندعم مشروع زويل لجامعته في البحث العلمي

لو حصل في مصر واتلم 50 شخص من محترفي البرمجة والجرافيك وعندهم افكار ممكن ينشأو استديو للالعاب ((( اللي بقت بيزيس بجد ومحدش واخد باله ))) ويعملوا العاب زي ده

ممكن لو حققوا نص النجاح ده وبتبرع بسيط يقضوا علي مشاكل دولة زي مصر

لكن حنفضل نبص علي ان الكلام ده هبل ولعب وشوف كلام جد يا عم

بالمناسبة استديو دايس اللي عمل باتيفليد هو استوديو سويدي شغال في 280 موظف

العواف

يا مرحب …

بكل اهمال .. وبكل ما اوتيت من كسل … قررت اني اعمل المدونة دي

… هل هي موضة علي شاكلة موضة التدوين اليومين دول اللي طفحت بعد الثورة ؟؟؟ ولا علشان بقي نفسي اشتهر بقي والناس تشاور عليا (( بص ياد الحق مش ده فلان الفلان )) ؟؟ ولا ايه بالظبط ؟

الموضوع باختصار ان بقالي فترة ليست بالبسيطة فقدت خاصية الرغي … ايوة … بقيت مستمع جيد جدا .. لكن معظم الحاجات اللي شاغلة تفكير ..حتي لو في قمة التفاهة اللي خلقها ربنا … مش قادر اشاطرها مع حد

لذا تعتبر المدونة دي تفريغ للكبت … وليس مشاطرة لاراء ..الا اذا انت\انتي استحلتيها …

استعنت علي الشقي بالله